Մայր Աթոռ Սուրբ Էջմիածնի օրհնությամբ հաստատվեց ամենամյա ուխտագնացություն դեպի Տաթևի վանք, որը մինչ օրս համախմբել է ավելի քան 3000 ուխտավորի՝ դառնալով հոգևոր միասնության հզոր արտահայտություն։
«Կենաց Ծառ» նախաձեռնություն
2008 թվականին անվանի բարերար Ռուբեն Վարդանյանը, ոգեշնչված Տաթևի ներուժով, հայտարարեց․ «Տաթևի վանական համալիրը պետք է կրկին կենդանանա, որպեսզի, ինչպես հազար տարի առաջ, ամբողջ տարածաշրջանը զարգանա նրա շուրջ»։
Այս խոսքերը հիմք դրեցին լայնածավալ «Տաթևի վերածնունդ» նախագծին՝ մի տեսլականի, որը շարունակում է զարգանալ մինչև այսօր։
Հենվելով այս տեսլականի վրա և շարունակելով դրա բարեգործական ժառանգությունը՝ «Մենք ենք մեր սարերը» զարգացման գործակալությունը, իր համակազմակերպիչների հետ միասին, 2024 թվականին մեկնարկեց «Կենաց ծառ» նախաձեռնությունը։
Նախաձեռնության առանցքում Տաթևի վանք ուխտագնացությունն է՝ հայկական հոգևորության, տոկունության և դիմադրության պատմական հենակետերից մեկը։
Խորհրդանշելով վերադարձը մեր արմատներին և ազգային ավանդույթներին՝ նախաձեռնությունը ուժ, եռանդ և հույս է քաղում անցյալից՝ ներկայի վերածնունդը ներշնչելու համար։
Նախաձեռնության հիմնական արդյունքները
Շարունակելով Ռուբեն Վարդանյանի նախաձեռնած ծրագրերը և արտահայտելով նրա բարեգործական առաքելության շարունակականությունը՝ «Մենք ենք մեր սարերը» զարգացման գործակալությունը, գործընկեր կազմակերպությունների հետ համագործակցությամբ, իրականացրեց բարեգործական նախաձեռնություն՝ Տաթևում նոր պտղատու այգի հիմնելու նպատակով։ Տաթևի վանքի և «Տաթևեր» ճոպանուղու հարակից տարածքում իրականացվեցին ծառատունկ և կանաչ գոտու ստեղծման աշխատանքներ։
Այգին դարձավ կյանքի և նոր սկզբի խորհրդանիշ՝ արտացոլելով Ռուբեն Վարդանյանի ներդրումը իր ժողովրդի և հայրենիքի բարգավաճման գործում։ Յուրաքանչյուր ծառ խորհրդանշում է նաև նախագծի մասնակիցների աջակցությունը Ռուբեն Վարդանյանին և Ադրբեջանում ապօրինաբար պահվող մյուս հայրենակիցներին։
2024 թվականի մայիսի 25-ին տեղի ունեցավ այգու պաշտոնական բացման արարողությունը։ Միջոցառման շրջանակում տնկվեց խորհրդանշական «Կենաց ծառը»՝ սոսի ծառը (սոսի, չինար կամ տընջրի)։ Հայ ժողովրդի համար սրբազան և խորապես հարգված այս ծառը խորհրդանշում է բնավորության ամրություն, կարեկցանք, ազնվություն և երկարակեցություն, և սերտորեն կապված է հայկական պատմության բազմաթիվ ավանդույթների հետ։
«Կենաց ծառ» նախաձեռնության կառուցվածքը
Նախաձեռնությունը զարգանում է երեք հիմնական ուղղություններով
Ամենամյա ուխտագնացություն
«Արմատների պահապաններ» համայնքի ամրապնդում
Ենթակառուցվածքային և սոցիալ-տնտեսական ծրագրեր
Ռազմավարական նպատակները
«Կենաց ծառ» նախաձեռնությունը կենտրոնացած է հետևյալ նպատակների վրա․
Ժառանգության պահպանում
Աջակցել Տաթևի վանքի վերականգնմանն ու պահպանությանը, նպաստել դրա ճանաչմանը ՅՈՒՆԵՍԿՕ-ի կողմից, ինչպես նաև զարգացնել կրթական և մշակութային ծրագրեր։
Տաթևի բնակիչների աջակցություն
Տուրիզմի, արհեստների և մշակութային նախաձեռնությունների միջոցով աշխատատեղերի և ինտեգրման հնարավորությունների ստեղծում Արցախից տեղահանված ընտանիքների համար։
Ուխտագնացության զարգացում
Բարելավել ուխտավորների և այցելուների պայմանները՝ միաժամանակ ձևավորելով ամենամյա ուխտագնացության ավանդույթ։
Տեղական համայնքի զարգացում
Աջակցել ֆերմերներին և արհեստավորներին, ինչպես նաև ապահովել տուրիզմի և հյուրընկալության ոլորտներում վերապատրաստումներ՝ տարածաշրջանի կայուն զարգացումն ապահովելու համար։
Դուք օգնում եք պահպանել տարածաշրջանի ժառանգությունը և կառուցել նրա ապագան։ Դարձե՛ք Տաթևի ապագայի մի մասը։
